Flash bidezko animazio honi esker, teleskopioak nola funtzionatzen duen ikasiko dugu, eta historian zehar Unibertsoa ikertzeko erabili izan diren tresna batzuk ezagutuko ditugu.

“Teleskopioa” baliabideari nahiz ikasgai-planeko jarduerei esker, Unibertsoa ikertzeko beharrezkoak diren tresna sinple batzuk ezagutuko ditugu, eta Unibertsoari buruzko jakintzaren bilakaerako gertaera historiko garrantzitsu batzuk aztertuko ditugu.

• Ikasleei gogoraraztea Galileoren aurretik ez zegoela zerua behatzeko begia beste baliabide optikorik, baina, giza begiak bereizmen- eta argitasun-ahalmen mugatua duenez, nehitaez teleskopioak erabili behar direla azaltzea.
• Ikasleei adieraztea, gehienetan kontrakoa uste den arren, ez dela zuzena esatea zenbat eta handipen handiagoa izan teleskopioak are potentzia handiagoa duela. Izan ere, objektiboa da teleskopioaren atalik garrantzitsuena.

• Ikasleei bi lupa erabiliz saiakuntza egiteko proposatzea (1. pantaila).
• Teleskopioaren oinarrizko bi atalek betetzen duten funtzioa nabarmentzea; hots, objektiboak eta okularrak (2. pantaila).
• Objektiboak astrotik datorren argia jasotzen duela eta argi hori foku izeneko puntuaren inguruan biltzen duela aipatzea, eta okularrak, berriz, irudia handitzen duela eta begiarentzat ikusgai egiten duela (2. pantaila).
• Objektiboa finkoa dela eta lente edo ispilu bat izan daitekeela adieraztea. Horren ezaugarri nagusia diametroa edo irekidura da, eta horrek zehazten du potentzia eta bereizmen-ahalmena. Zenbat eta handiagoa izan irekidura, orduan eta argi gehiago jasoko du, eta bereizmen-ahalmen handiagoa izango du (2. pantaila).
• Okularra, objektiboa ez bezala, teleskopiotik ken daitekeela eta horren ordez handipen handiagoa ematen duten beste batzuk jar daitezkeela adieraztea (2. pantaila).
• Objektiboaren ezaugarrien arabera oinarrizko bi teleskopio mota daudela adieraztea: errefraktoreak eta islapenezkoak (2. pantaila).

• Jo http://www.astrored.net/nueveplanetas/solarsystem/mercury.html web orrira, eta ikusi behaketa-ahalmen handiko teleskopioekin nahiz amateurren teleskopioekin hartutako irudietan ageri diren astroak.
• Eskatu ikasleei Kanarietako Astrofisika Institutuko web orrian sartzeko (http://www.iac.es/gabinete/index.htm) eta ikertzeko zer teleskopio dituzten eta zein diren egiten dituzten behaketa nagusiak.
• Aipatu antzinaroko herri batzuek Unibertsoa behatzeko garatu gabeko metodoak erabili zituztela, baina, hala ere, behaketak egin zirela; besteak beste, eguzki-egutegiei, planetei eta urtaroei buruz. Ikasleek informazioa lortuko dute Internetetik, eta txosten txiki bat egingo dute Word-en, zibilizazio primitiboek egindako aurkikuntza garrantzitsuenei buruz.
• Hubble teleskopioak egindako proiektuei buruzko informazio gehiago izateko, ikusi web orri hau: http://hubble.astroenlazador.com/.
• Egin denbora lerro bat, teleskopioen historia eta aurkikuntzen ekarpenak xehetasun gehiagoz adierazteko. Horretarako, web orri hauek bisita daitezke:

• http://www.infoastro.com/hubble/
• http://almaak.tripod.com/temas/historia_astronomia2.htm
• http://www.iespana.es/intercosmos/index.htm

• 1. jardueraren bidez (“Astronomia-tresnak”), behaketa praktikak egiteko tresna sinple batzuei buruzko ezagutzak sendotuko dituzte ikasleek.
• 2. jardueraren bidez (“Teleskopioaren atalak”), teleskopioaren atalei buruzko ezagutzak zabalduko dituzte ikasleek.
• 3. jarduera eginez (“Zerua udaberrian”), informazio gehiago lor dezakete ikasleek, eta planisferioaren irudi baten bidez, gure hemisferioko konstelaziorik garrantzitsuenak zein diren adieraziko dute.
• 4. jardueraren bidez (“Unibertsoari buruzko jakintzaren historia”), Unibertsoaz gizakiak duen jakintzaren bilakaerari buruzko ezagutzak sendotuko dituzte ikasleek.