Bideo honetan, Doñanako ekosistema nolakoa den azaltzen da. 1998ko apirilean Aznalcollarko (Sevilla) meategiko euste-presa hausteak eragindako ondorio batzuen berri ere ematen da bertan.

“Ekosistema-adibidea” baliabidearen eta ikasgai-planeko jardueren bidez, Doñanako ekosisteman gertatutako ekologia-hondamendiak zer ondorio eragin zituen eta ekosistemek zer osagai dituzten ikasiko dute ikasleek. Gainera, ekosistema, ekosfera eta biosfera kontzeptuak bereizten ikasiko dute, bai eta ekosistemako biozenosia osatzen duten organismoen artean zer erlazio dagoen eta Espainiako ekosistema batzuk nolakoak diren ere –espezie bereizgarri eta guzti–.

• Aznalcollarko meategiko presa haustearen ondorioz Doñanako erreserban gertatutako ekologia-hondamendiari buruz hitz egitea (0:01 min.).
• Ekosistema leheneratzeari buruz administrazioek eta ekologistek dituzten iritzien arteko eztabaida azpimarratzea (0:10 min.).
• Erreserbako eremu batzuetan lurra kutsadura-egoera larrian dagoela azaltzea
  (0:28 min.).
• Hegazti batzuentzat (antzarentzat, esaterako, bertan bizi baitira urteko sasoi jakin batzuetan), lurraren kutsadurak zer ondorio larri eragin ditzakeen adieraztea, eta hegazti horien ugalketa-zikloetan azterketak egitea garrantzitsua dela esatea (0:32 min.).

Bideoa ikusi ondoren:

• Aznalcollarko meategiko euste-presa 1998ko apirilaren 25ean hautsi zela esatea. Pirita-meategia zela eta isuriek metal astunen kontzentrazio handia zutela adieraztea.
  

• Eskatu ikasleei Aznalcollarko meategiko ezbeharrak lurrean, floran eta faunan eragindako ondorioei buruzko informazioa bilatzeko hirunaka, baita Doñanako ekosistema leheneratzeko har daitezkeen neurriei buruzko informazioa ere. Bukatutakoan, esan bateratze-lana egiteko ikasle guztien artean. Informazioa bilatzeko, orri honetara jo dezakete:

• http://www.unizar.es/guiar/1/Accident/Aznalc.htm

• Aztertu hiri-ekosistemei buruz hitz egin daitekeen ala ez. Ondoren, banatu ikasgela hiru ikasleko taldetan gehienez, eta eskatu ekosistema mota horri, espezie bereizgarriei eta horien artean ezartzen diren harremanei buruzko informazioa bilatzeko Interneten. Informazioa bilatzeko, orri hauetara jo dezakete:

• http://www.castillalamancha.es/portalibarataria/contenidos/
• http://sanfern.iies.es/Pagina9.html

• 1. jardueraren bidez (“Ekosistemekin lotutako kontzeptuak”), ekologiari buruzko kontzeptu batzuk finkatu ahal izango dituzte ikasleek; hala nola, ekosfera, biosfera eta ekosistema.
• 2. jardueraren bidez (“Ekosistemei buruzko eskema bat”), ekosistemen osagaiei, izaki bizidunen artean ezartzen diren harremanei eta inguruneko faktore abiotikoei buruz dakitena zabalduko dute ikasleek.
• 3. jardueraren bidez (“Zer dira ekosistemak?”), ikasleek ekosistemei buruz dakitena finkatuko dute, baita ekologiari buruzko kontzeptu batzuk ere; txoko ekologikoa esaterako.
• 4. jardueraren bidez (“Espainiako ekosistemak”), ikasleek Espainiako ekosistema batzuei buruzko edukiak zabaldu ahal izango dituzte, baita horietan bizi diren espezieei buruzko edukiak ere.