Excel simulagailuen bidez, zenbait gauza ikasiko dute ikasleek: maila trofikoak aztertuko dituzte, maila trofikoek ekosistemetan zer-nolako funtzioa duten jakingo dute, organismoak nutrienteak hartzeko moduaren arabera sailkatuko dituzte eta ekosistema bateko erlazio trofikoak zer diren jakingo dute, sare trofikoan adibide batzuk integratuz.

“I. maila trofikoak”, “II. maila trofikoak” eta “III. maila trofikoak” izeneko baliabideei eta ikasgai-planeko jarduerei esker, maila trofikoek ekosistemetan zer-nolako garrantzia duten, zenbait organismo dagokien maila trofikoan kokatzen eta organismo autotrofoak eta heterotrofoak bereizten ikasiko dute ikasleek.

• Organismoak mutrienteak hartzeko moduaren arabera sailkatzea; hau da, autotrofoetan eta heterotrofoetan (“Hasiera” kalkulu-orria).
• Organismoen nutrizio mota eta maila trofikoak erlazionatzea (“Hasiera” kalkulu-orria).
• Materia mineral eta materia inorganiko kontzeptuak sinonimoak direla adieraztea (“Hasiera” kalkulu-orria).
• Zenbait organismo autotrofoak ala heterotrofoak diren sailkatzen ikastea, nutrizioari erreparatuta (“I. maila trofikoa” simulagailua).
• Zenbait organismo kontsumitzaile modu interaktiboan erlazionatzea kontsumimtzaileen taldearen baitan nutrizio mota definitzen duen kontzeptuarekin (“II. maila trofikoa” simulagailua).
• Uretako zenbait organismo dagokien habitatean modu interaktiboan kokatzea (“III. maila trofikoa” simulagailua).

• Esan ikasleei hiruko taldeak osatzeko eta onddoei eta onddoen nutrizioari buruzko informazioa bilatzeko. Gero, esan organismo horiek ekosisteman duten garrantziaz eztabaidatzeko; galdetu ea onddoak "landareak" diren. Orrialde hauetan aurkituko dute informazioa:

• http://www.natangesang.com.ar
• http://www.banrep.gov.co
• http://www.jmarcano.com

• Egin irteera bat eskolatik hurbil dagoen parke batera. Han, esan ikasleei aurkitzen dituzten organismoen zerrendak egiteko eta organismo bakoitza dagokion maila trofikoan kokatzeko. Gelara itzulitakoan, guztien artean eztabaidatu.

• 1. jardueraren bidez (“Zer dakizu maila trofikoei buruz?”), maila trofikoei eta maila trofikoek ekosisteman duten funtzioari buruzko ezagutzak indartuko dituzte ikasleek.
• 2. jardueraren bidez (“Maila trofikoen argazkiak”), zenbait izaki bizidun identifikatzen eta dagokien maila trofikoan kokatzen ikasiko dute ikasleek.
• 3. jardueraren bidez (“Maila trofiko bakoitza dagokion tokian”), maila trofiko bakoitzaren ezaugarriei buruzko ezagutzak zabalduko dituzte ikasleek, bai eta maila trofiko horiek ekosistemetako energiaren ibilbidean duten eraginari buruzkoak ere.
• 4. jardueraren bidez (“Ekosistema bateko elikadura mailak”), maila trofikoei eta nutrizio motei buruzko ezagutzak berrikusiko dituzte eta kontzeptuen mapa bat osatuko dute.