Webquest hauek garatzeko gure ikastetxeetan geroago eta sarriago dugun egoera bat hartu dugu: hizkuntza-ikasle trukea. Gida hauek egitearen arrazoia Euskal Herriaren ezagutzarako lagungarriak izan daitezela dugu. 

Webquest hauek lan-prozesu osoa hizkuntza bakar batetan egin daitezke, ordea, aurkezten ditugun hirurak (euskeraz, gazteleraz eta ingelesez) Hizkuntza Trataera Bateratua delako programaren barnean daudenez eta gida osoa hiru hizkuntzatan eginda dagoenez, proiektu honek landutako jarduerak beste webquest guztietan burutzea behar du. 

WQ hauek sortzeko idazkera mota gaztelera eta ingelesean erakusketa era izan dugu eta euskeran (biografien idazketa) kontakizuna era izan da. Azken emaitza, hau da, atal guztiez ornitutako gida orokorrak, ikastetxera datorren ikaslegoaren hizkuntza kontutan hartuz gero aldaketak izan beharko ditu, benetan materiala erabilgarria izatea nahi ezkero (beraz, gida orokorra ingelesera, frantsesera... itzuli beharko litzateke). 

Gure ardura zenbait Hizkuntza-Mintegiek era bateratuan lan egiteko behar duten materiala egitean datza, ikaslegoaren ikaskuntza errentagarria bihurtu dadin eta erabiliko den taldeen ezaugarri zehatzen arabera aldatu daitekelarik. 

Ikaskuntza ahalik eta eraginkorrena izan dadin, komenigarria izango litzateke webquest hauek erabiliko dituen irakaslegoak batera lan egitea, jarduerak martxan jarriko diren uneak aukeratzea baita lan osoaren azken formatua bateratzeko arduraduna nor izango den ( ingelesezkoa, gaztelerazkoa edo euskerazkoa) erabakitzea eta aukeratzea. 

Gazteleraz Euskal Herriko zenbait tokitara bisitaldien programa burutuko dute. Testua erakusketa erara landuko da, gehien bat deskribapenak erabiliaz. 

Ingelesez argibide baliagarriak, hala nola, helbideak, ordutegiak... landuko dituzte. Beraz, testuak erakusketa erara landuko dira baina instrukzioa erabiliaz. 

Euskeraz interesgarriak diren pertsonaien biografiak (kirolariak, idazleak, artistak...) burutuko dituztenez, biografiak kontakizun erara landuko dira, objetiboki izateko helburuaz. 

Denbora-epea: 5-7 saio.